Shokët e universitetit përgjithësisht janë miq që mbeten përgjithmonë. Sado mund të mos i takoni më pasi të mbaroni studimet, gjithmonë do i kujtoni sepse është faza e fundit e studimeve dhe ata mbeten në memorien tuaj. Gjithsesi për ju që akoma nuk jeni ulur në auditoret e universitetit, ne do ju tregojmë 10 tipat e shokëve që me siguri do i takoni në tetor.
1-I shëndoshi
Me siguri në grupin tuaj do të ketë patjetër një shok ose shoqe të shëndoshë që ha çdo gjë, madje dhe ushqimin tuaj.
2-Rrëmujaxhiu
E sigurt fare, që do keni një shok që nuk ia di kuptimin fjalës rregull. Ai për çdo gjë bën rrëmujë, dhe nëse tentoni ta ndryshoni më keq do jetë.
3-Shoku prind
Çdo grup ka babain dhe nënën, që do ju thotë vazhdimisht që të mos lini leksionet dhe seminaret. Me pak fjalë do ju bëjë moral.
4-Studiozi
Nuk mund të mungonte një shok që studion gjatë gjithë kohës, dhe kur e ftoni për të dalë ju refuzon gjithmonë sepse është mbi libra.
5-Alkolisti
Sa herë të dilni në mbrëmje me shokët e universitetit me siguri njëri prej tyre e pëlqen shumë alkoolin. Ai në fakt është edhe “lumturia” e grupit.
6-Superaktivi
Mëson, punon, del të argëtohet. Të gjithë do jeni të suprizuar sesi mund t’i bëjë të gjitha përnjëherësh ky person.
7-Shoku me stil
Nuk mund të mungojë një fashionist apo fashioniste, që t’ju bëjë të ndiheni keq sa herë ta shikoni sesa bukur është veshur.
8-Shoku fotograf
Do jetë e pamundur të dalësh me të dhe të mos bëjë fotoje çdo gjëje që shikon.
9-Shoku krijues
Ai do jetë mendja më krijuese në grup. Për burim idesh gjithmonë duhet të drejtoheni tek ai.
10-Shoku aktivist
Sa herë të ndjejë se ju shkelen të drejtat për gjënë më të vogël, shoku juaj aktivist do e ngrejë zërin përmes protestave për të gjithë ju.
