06:38 | 24/05/2025
Nuk ka rezultat
View All Result
FaxWeb
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione
Nuk ka rezultat
View All Result
FaxWeb
Nuk ka rezultat
View All Result
Fillimi Flash

16 kandidatë për dy vende bosh në Bankën e Shqipërisë, mazhoranca preferon ish-deputetin socialist, injoron ish-zvkryeministren

08:00 | 21/01/2022
në Flash, Kryesore, Te Fundit, Te Gjitha
0
Rritja e çmimeve, flasin ekspertët: Të ndërhyjë Banka e Shtetit

Mandati i dy prej anëtarëve të Këshillit Mbikëqyrës së Bankës së Shqipërisë ka përfunduar që prej muajit dhjetor 2021. Bëhet fjalë për mandatet e anëtarëve Natasha Ahmetaj dhe Tonin Kola, të zgjedhur në dhjetor 2014, si propozime të vetë Kuvendit të Shqipërisë.

Duke qenë se mandatet e përfunduara duhet të përtërihen me kandidatë të propozuar nga vetë Kuvendi, gjatë muajit dhjetor ky institucion shpalli vendet vakante dhe nisi procedurat e përzgjedhjes së kandidatëve.

Pranë Kuvendit të Shqipërisë u paraqitën 16 aplikime për dy vendet vakante, nga kandidatët Natasha Ahmetaj, Anastas Angjeli, Senida Mesi, Marta Muço, Edvin Libohova, Indrit Banka, Elvin Meka, Mateo Spaho, Durim Kraja, Diana Dervishi, Altin Hoti, Rezarta Bitri, Emis Çerava, Manuela Tandini, Artur Mamadhaj, Blendi Sena dhe Onorina Jata.

Sipas ligjit, kandidatët që marrin mbështetjen e 28 deputetëve i propozohen Kuvendit për t’u votuar në seancë plenare. Deri tani, asnjë nga kandidatët nuk është zyrtarizuar si propozim për Kuvendin. Megjithatë, burime nga gara bëjnë të ditur se kandidatët e përzgjedhur nga mazhoranca për t’u mbështetur në këtë garë janë Natasha Ahmetaj dhe Anastas Angjeli.

Natasha Ahmetaj ka mbajtur në shtatë vitet e fundit edhe detyrën e zëvendësguvernatorit të dytë të Bankës së Shqipërisë, duke qenë një nga tre anëtarët e Këshillit Mbikëqyrës me funksione ekzekutive dhe e punësuar me kohë të plotë në bankën qendrore.

Rikandidimi i saj nënkupton se Banka e Shqipërisë dhe mazhoranca në Kuvend e mbështesin për të vijuar detyrën e zëvendësguvernatores së dytë dhe anëtares së Këshillit Mbikëqyrës. Para se të zgjidhej në Këshillin Mbikëqyrës të Bankës së Shqipërisë, në 2014, znj.Ahmetaj ka mbajtur pozicione të larta drejtuese në Bankën Kombëtare Tregtare (BKT), ndërsa më herët ka ndjekur karrierën akademike si pedagoge në Universitetin “Ismail Qemali” në Vlorë.

Kandidati i dytë që pritet të mbështetet nga mazhoranca është Anastas Angjeli. Përveç eksperiencës akademike, Angjeli ka një përvojë prej më shumë se dy dekadash në politikë, si deputet i Kuvendit të Shqipërisë në disa legjislatura, si ish-ministër i Financave, ish-ministër i Ekonomisë, dhe ish-ministër i Çështjeve Sociale.

Ligji “Për Bankën e Shqipërisë” nuk iu lejon anëtarëve të Këshillit Mbikëqyrës të qëndrojnë në detyrë deri në zgjedhjen e zëvendësuesve, ndaj përfundimi i mandatit të një anëtari krijon boshllëk në këtë organ. Në fillim të muajit shkurt, do të përfundojë edhe mandati i anëtarit Gent Sejko, që mban njëkohësisht edhe detyrën e Guvernatorit të Bankës së Shqipërisë.

Për momentin, vakancat nuk pengojnë vendimmarrjen e Këshillit Mbikëqyrës, sepse ligjërisht ky organ mund të marrë vendime me praninë e shumicës së thjeshtë të numrit të anëtarëve. Megjithatë, një moment bllokimi u krijua në vitin 2018, kur përfundoi mandati ligjor i gjashtë prej anëtarëve, ndërsa procedurat për zëvendësimin e tyre u zhvilluan me vonesë. Kjo krijoi një situatë të paprecedentë, duke bllokuar vendimmarrjen e Këshillit Mbikëqyrës për një periudhe afërsisht dymujore. /Monitor

Etiketa: banka e shqiperisekandidate
Pas

Vranësira dhe ulje e ndjeshme e temperaturave, njihuni me parashikimin e motit

Para

E quanin njëri-tjetrin vëllezër/ Donaldi tradhtoi DJ Dagz, reagon për herë të parë DJ PM

Para
E quanin njëri-tjetrin vëllezër/ Donaldi tradhtoi DJ Dagz, reagon për herë të parë DJ PM

E quanin njëri-tjetrin vëllezër/ Donaldi tradhtoi DJ Dagz, reagon për herë të parë DJ PM

Discussion about this post

 



Të Fundit

Drogë, armë, kriptovaluta dhe mallra të falsifikuara, Europol arreston 270 persona nga disa vende të botës

Grupi Troplini, vijon prej 4 orësh seanca për 14 të arrestuarit e operacionit “Ura”

U arrestua në mega-operacionin ‘URA’, avokati Tragaj para GJKKO: Jam rëndë psikologjikisht, dua të jem pranë familjes!

Tetë persona të plagosur nga një sulm me thikë në Hamburg të Gjermanisë, disa në gjendje të rëndë

Elbasani i jep fund stërvitjeve, Gvozdenoviç u jep një muaj pushim lojtarëve

“Diskutimet tona me ta nuk po çojnë askund”, Trump propozon vendosjen e një tarife prej 50% nga 1 qershori për mallrat e BE-së

Gjykata bllokon vendimin e Trump për të ndaluar studentët e huaj të regjistrohen në Harvard

Gjermania forcon kthimin e migrantëve të paligjshëm! DW: Shtohen kontrollet në kufi, 3000 efektivë policie, përdoren helikopterë, dronë dhe kamera të imazheve termike

U shpall non grata nga SHBA: Edhe Franca e Gjermania, sanksione ndaj Milorad Dodik

Tiranë/ Bie nga kati i 3 i hotelit në Rinas, dërgohet në spital 2-vjeçari holandez

© Copyright 2025, Të Gjitha të Drejtat e Rezervuara, Dev by Techzero1.com.

Nuk ka rezultat
View All Result
  • Faqja Kryesore
    • Kontakt
  • Politikë
  • Aktualitet
  • Ekonomi
  • Veç e jona
  • Kosova
  • Bota
  • Sport
  • ShowBiz
  • Emisione

© Copyright 2025, Të Gjitha të Drejtat e Rezervuara, Dev by Techzero1.com.