3 orë në Gjykatën Speciale, Kadri Veseli flet pas intervistimit: Në vitet ’90 u përballëm me spastrimin etnik

Kryetari i Partisë Demokratike në Kosovë, Kadri Veseli foli për mediat pasi përfundoi procesi i intervistimit në Gjykatën Speciale.

Në fjalën e tij, Veseli nuk dha detaje nga intervistimi, por u shpreh se vitet ’90 kanë qenë shumë të vështira për Kosovën sepse është përballur dhe ka luftuar me spastrimin etnik që kërkonte të bënte Serbia.

“Siç kam premtuar publikisht, sot jam paraqitur për intervistim. E kam përfunduar intervistën. Vitet ’90 ta kanë qenë vite të rënda për popullin tonë, një nënshtrim para Serbisë për spastrim etnik, dmth për gjenocid kundër popullit tonë.

Ne iu kemi kundërvënë, Lëvizja jonë çlirimtare ka qenë Ushtria Çlirimtare e Kosovës, përballje me gjenocidin serb. Lufta e UÇK ka qenë përballje me spatrimin etnik, të cilën ka synuar Serbia ta bëjë në Kosovë”, tha Kadri Veseli.

Kreu i PD në Kosovë qëndroi për më shumë se 3 orë në Hagë duke u intervistuar. Atij iu kërkua në datën 7 nëntor që të paraqitej tek Gjykata Speciale, por ende nuk dihet se në çfarë cilësie u ftua.

(M. I./ Faxweb.al)