Ceremonia mortore e presidentit iranian, do të mbahet ditën më 21 maj

Ceremonia mortore e presidentit iranian, Ebrahim Raisi, do të mbahet ditën e nesërme më 21 maj në qytetin e Tabriz.

Lajmi është bërë i ditur nga agjencia iraniane e lajmeve Mehr, citon Tass.

Presidenti i Iranit, Ebrahim Raisi ka humbur jetën bashkë me ministrin e jashtëm, Hossein Amir-Abdollahian pas rrëzimit të helikopterit.

Mbetjet e djegura të helikopterit që u rrëzua të dielën me Raisin dhe ministrin e Jashtëm, u gjetën herët të hënën pas një kërkimi gjatë natës në kushte stuhie.

“Presidenti Raisi, ministri i jashtëm dhe të gjithë pasagjerët në helikopter u vranë në përplasje”, tha një zyrtar i lartë iranian për Reuters, duke kërkuar të mos përmendet emri për shkak të ndjeshmërisë së çështjes.

Vdekja e Raisit u konfirmua më vonë në një deklaratë në mediat sociale nga nënpresidenti Mohsen Mansouri dhe në televizionin shtetëror.