Pas një seance maratonë prej 16 orësh në Kuvend u miratua 2 orë pas mesnate Projektbuxheti i vitit të ardhshëm. Pas diskutimeve ku deputetët e pranishëm në séance numëroheshin me gishta në momentin e votimit rradhët e mazhorancës ishin të mbushura.
Ndërkohë nga ana tjetër Opozita braktisi seancën në momentin e votimit. I vetmi që qëndroi në sallë nga Opozita ishte deputeti Mhill Fufi, i cili votoi pro këtij projekbuxheti. Kundër kanë votuar edhe dy deputetët e Partisë më të re Parlamentare ‘’Libra’’, Ben Blushi dhe Mimoza Hafizi.
Projektbuxheti i votuar në parim mori 82 vota pro dhe 2 kundër në total.
Projektbuxheti parashikon një rritje prej 23 miliardë lekësh për fondin e pagave dhe pensioneve të cilat parashikohet të rriten vitin e ardhshëm. Ndërsa sipas Opozitës ky do të jetë buxheti që do t’i varfërojë edhe më shumë shqiptarët.
Discussion about this post