Kreu i LIBRA-s Ben Blushi, i ftuar sot në emisionin “Të Paekspozuarit” të gazetarit Ylli Rakipi, u shpreh se qeveria teknike nuk e zgjidh krizën aktuale politike.
Madje, Blushi shton se edhe nëse do të arrijë të krijohet një qeveri teknike, ai nuk është i gatshëm të marrë pjesë në të.
“Do shkojnë në krizë në çdo rast, me qeveri teknike, pa qeveri teknike, me zgjedhje, pa zgjedhje, me vetting, pa vetting. Mund të kalojë vetëm nëse njeri futet në burg. Vetëm frika mund ta bëjë këtë. Edhe gjykatësit e prokurorët e sotëm do jenë nesër. Nëse bëhet vettingu s’do të thotë se do na vijnë nga jashtë. Ky sistem mund të korrektohet nga frika. Qeveria teknike nuk ka për të zgjidhur punë në Shqipëri. Nuk jam as kundër kësaj qeverie teknike as pro, por them që nuk sjell zgjidhje. Unë nuk futem aty. Nuk mund të futem në qeveri teknike”, shprehet Blushi.
Opozita është futur në protesta që prej 18 shkurtit, ku kërkon zgjedhje të lira dhe të ndershme përmes krijimit të një qeverie teknike. (D.D/Shuplaka)
Discussion about this post