Prej dy ditësh në media është servirur ideja se Dritan Demiraj, ministri i Brendshëm teknik i propozuar nga PD-ja do të jetë pjesë e qeverisë “Rama2” duke hedhur kështu idenë e një bashkëqeverisje mes PS dhe PD-së.
Sigurisht që lajmi mbetet i pakonfirmuar po e bazuar në disa informacione, siç është përshembull situata e drogës në vend, apo edhe ‘’dëshira” e Ramës për të krijuar idenë e një qeverisje me bazë të gjerë.
Në këtë mënyrë do të rrëzohej edhe një nga tezat shumë të përfolura nga opozita si kanabizimi i vendit dhe përfshirja e shtetit në trafikimin e saj.
Po kjo lëvizje sipas ‘’Lapsi.al” nuk është e vetmja e Ramës. Po ashtu në qeverisjen e ardhshme ai mendon që të marrë një tjetër përfaqësues të afërt me PD-në, ndërsa për postin e politikës së jashtme t’ia besojë një përfaqëueseje nga Kosova.
Nuk dihet sa të vërteta janë këto lajme po sigurisht që zërat janë edhe të servirura nga vetë kryeministri Rama në mënyrë që të testojë opinionin publik për lëvizjet që do të ndodhin në shtator.
Ndërkohë që nga PD-ja kanë dalë zërat e parë kundër kësaj lëvizjeje. Për Julian Dedën qëndrimi i ministrave teknikë në qeverisjen e ardhshme, do të sillte asgjesimin politik të opozitës dhe Rama do t’i mbyllte gojën përfundimisht PD-së.
Na mbetet të presim dhe të shohim zhvillimet e shtatorit.
(E.K/SHUPLAKA)
Discussion about this post