Kryebashkiaku Veliaj, është përfolur jo pak herë si pasardhësi i Ramës në krye të PS-së. Mirëpo sot ai iu ka dhënë fund këtyre zërave duke thënë se nuk ka ndërmend të ikë nga drejtimi i bashkisë.
Dhe jo vetëm kaq duke vlerësuar lart Ramën ai parashikon të tjera mandate në krye të qeverisë për të duke marrë parasysh kancelaren gjermane Angela Merkel.
I ftuar në ‘’Këndin e Ekselencës” Veliaj u shpreh ndër të tjera se nuk ka emra konkretë për kandidatin rival dhe se zgjedhja i takon PD-së.
Keni menduar që të rikandidoni si kryebashkiak për mandat të dytë, apo keni ambicie më të mëdha? Si pasardhës psh i zotit Rama?
Nuk kam ambicie më të madhe. Se pari me punën fantastike që po bën Edi Rama, duhet të përgatitemi të gjithë që të drejtoj këtë model ndoshta edhe më shumë se Merkel. T’i lëmë të gjithëve në pasionin e tij, dua të rikandidoj për kryetar bashkie. Nuk mendoj se gara e bashkisë së Tiranës nuk e ka me kundërshtarin.
Të keni përballë psh kandidat si zoti Halimi?
S’më takon mua ta them. Ky është një vendim që duhet të bëjnë rivalët. Do doja që të ballafaqonin program real, që mund të jetë zoti Basha apo Berisha.
(E.K/SHUPLAKA)
