Të paktë 32 njerëz janë shpallur të zhdukur dhe dyshohet të kenë humbur jetën pas një përplasje të një anije cisternë me një anije transporti mallrash përballë bregdetit lindor të Kinës.
Nga përplasjes e fortë, anija cisternë Sanchi, e cila transportonte 136 000 ton naftë iraniane, mori flakë. Ministria kineze e transportit tha se 30 iranianë dhe dy shtetas të Bangladeshit janë shpallur të humbur nga kjo anije e regjistruar në Panama.
Ndërkohë mësohet se i gjithë ekuipazhi prej 21 personash nga anija tjetër u shpëtua nga ekipet kineze të emergjencave. Autoritetet kineze thanë se anija cisternë po digjet dhe nuk mund të ndërhyhet për shkak të rrezikshmërisë së lartë, duke lënë të kuptohet se derisa flakët të fiken apo anija të fundoset, nuk do të behët asgjë.
Përplasja mes dy anijeve ndodhi rreth 160 milje detare larg portit të Shanghait. Tashmë kanë nisur hetimet për të zbuluar shkakun e përplasjes tragjike, ndërsa mësohet se ky është aksidenti i parë serioz në të cilin përfshihet një anije iraniane nafte, qëkur u hoqën sanksionet që kufizonin eksportet e ‘arit të zi’ nga republika islamike në janar 2016.
Dhjetra anëtarë të ekuipazhit janë zhdukur pasi një tankist iranian i naftës shpërtheu në flakë kur u rrëzua në një anije me shumicë kineze.
