Një ngjarje e rëndë ka ndodhur mëngjesin e sotëm në fshatin Mborje në Korçë, ku një 45-vjeçar është gjetur i vdekur nga bashkëfshatarët pranë lokalit të tij.
Burime bëjnë me dije për Faxweb.al se viktima është Flamur Duçi, i cili dyshohet të jetë vrarë me thikë, pasi ka disa plagë në trup.
Duket se autorët e ngjarjes i kanë njohur mirë veprimet e Duçit, pasi i kanë zënë pritë në momentin që ai kishte shkuar i vetëm për të hapur lokalin e tij.
Ende nuk dihen shkaqet që kanë çuar në vdekjen e 45-vjeçarit, dhe aq pistat në të cilat po heton policia, nëse Duçi ka pasur ndonjë konflikt të vjetër, që ka degjeneruar në një akt të tillë ekstrem.
Siç shihet dhe nga pamjet e mëposhtme të siguruara nga gazetarja e Fax News Ledjona Xheladinaj, motra e Duçit shkrehet në vaj dhe pyet se kush e vrau të vëllanë e saj.
Po ashtu në rrugën pranë lokalit të Duçit shihet ende gjaku ”që ka larë rrugën”, ndërsa autori/autorët ia kanë mbathur nga vendngjarja.
Njoftimi i policisë:
Më datë 19.12.2019, rreth orës 07.15, jemi njoftuar se në fshatin Mborje, pranë lokalit të tij është gjetur i pajetë nga bashkëfshatarët, shtetasi F.D., rreth 45 vjeç.
Grupi hetimor ka mbërritur menjëherë në vendngjarje dhe po punon për zbardhjen e rrethanave të ngjarjes.
(E.K/FaxWeb.al)
Discussion about this post