I ftuar në ‘Fax News’ deputeti i PS-së Fate Velaj deklaroi se nuk do të komentojë atë që thonë mediat ndërkombëtare në lidhje me hapjen e negociatave apo deputetë të ndryshëm, por do të presë datën 28 qershor kur dhe do të jepet vendimi.
Velaj u shpreh se ka pasur takime me deputetë të ndryshëm të Bundestagut gjerman dhe ata kishin thënë se Shqipëria e meritonte.
“E kanë thënë me gojën plot se shqipëria e meriton”, tha ai.
Sa i përket asaj që shkruante ‘Reuters’ se Holanda ishte kundër hapjes negociatave për Shqipërinë, deputeti i PS-së tha se ky shkrim erdhi pas vizitës së Bashës në Holandë.
“Nuk ka një sjellje opozita, ka një strategji mjerane, një opozitë e tillë është një fatkeqësi për të ardhmen, ajo që ndodhi nuk ishte ndryshe nga ajo se çfarë kishte ndodhur më parë. Basha dhe PD duhet të lobojnë për Shqipërinë se kjo është një agjendë e përbashkët.
Por pas ardhjes së tij doli ‘Reuters’ dhe tha se Holanda është kundër. Basha do duhet të lobonte tek skeptikët holandezë, hapja e negociatave është vetëm një hap drejt anëtarësimit. Zoti Bumçi që ka njohuri në këtë fushë duhet ti marrë në telefon ata skeptikë që mund të njohin. Nëse kanë kontakt brenda partisë popullore gjermane dhe duhet të lobojnë”, tha ndër të tjera Fate Velaj. (B.H/Faxweb)
Discussion about this post