Akademia e Shkencave e shurdhër, çfarë po ndodh tani në Tiranë dhe pse po shpërfillin kryeministrin (FOTOT)

Prej disa ditësh denoncimit e akademikut Artan Fuga për zhvillimet në Akademinë e Shkencave kanë rënë në vesh të shurdhët.

Sot në orën 11:00 ashtu siç ishte parashikuar në këtë institucion po zhvillohen zgjedhjet ku Kryetari i tanishëm kandidon për nënkryetar dhe nënkryetari për kryetar.

Pavarësisht se në kohë limit pati një reagim nga kryeministri Rama, duket se paralajmërimi i tij nuk është marrë parasysh nga drejtesit e këtij Institucioni.

“Nëse nuk reformohet Akademia e Shkencave nuk do marrë më asnjë qindarkë nga buxheti e do të duhet të dorëzojë godinën! Prandaj#StopFarsës“, shkruante pak minuta më parë kryeministri Edi Rama.  

Po duket se zgjedhjet kanë nisur dhe po verifikohet pjesëmarrja e të pranishmëve. Për të qenë një proces i rregullt duhet të jenë pjesëmarrës jo më pak se ¾ e anëtarëve të Asamblesë.

‘’Shuplaka” do t’iu sjellë minutë pas minute zhvillimet nga mbledhja në Akademinë e Shkencave, ku mesa duket veshët janë të mbyllura për të dëgjuar kritikat dhe nevojën për reformim.  

(E.K/SHUPLAKA)

https://www.youtube.com/watch?v=zYIybVQ_rus&feature=youtu.be