Një aksident tragjik ka ndodhur pak minuta më parë në aksin rrugor Elbasan-Peqin, ku si pasojë e përplasjes së dy mjeteve, ka humbur jetën 5-vjeçari me iniciale L.S. Mjeti ku udhëtonte i mituri, tip “Fiat” drejtohej nga një 51-vjeçare.
Njoftimi i policisë:
Në aksin rrugor Elbasan- Peqin, mjeti tip “Fiat” me drejtuesen shtetasen K.L., 51 vjeçe , banuese në Peqin është përplasur me mjetin “Volkswagen”, me drejtues shtetasin H.S., 67 vjeç, banues në Elbasan.
Si pasojë e aksidentit është plagosur pasagjeri i mjetit tip “Fiat”, shtetasi i mitur L.S, 5 vjeç, banues në Peqin, i cili ndëroi jetë rrugës për në spital.
Grupi hetimor ndodhet në vendngjarje dhe po punon për zbardhjen e shkakut të aksidentit.
(E.K/Faxweb.al)
