Drejtori ekzekutiv i Fax News, Enton Abilekaj, në studion e lajmeve ka komentuar situatën politike në vend.
Abilekaj është ndalur tek ecuria e protestës dhe ka ngritur disa pyetje për skenarët e mundshëm për aksionin e të shtunës.
Abilekaj ka thënë se nëse protesta do mbyllet pa arritur kërkesën e opozitës që është “dorëheqja e Xhafajt”, atëherë demoralizimi i njerëzve që do protestojnë do të jetë i madh.
“Ka një pikëpyetje shumë të madhe kjo protestë. A do jetë kjo protesta tipike e Lulzim Bashës si në Janar ku u mblodhën mijëra njerëz dhe u shpërndanë pa asnjë rezultat. Kjo lloj proteste i demoralizon protestuesit. PD ka treguar se këto protesta janë shoë , protesta e madhe s’do të thotë se mbështetja është e madhe.
Ka dy çështje, vëllai i ministrit pretendohet se po merret me trafik droge. Mbi këtë çështje është fokusuar kjo protestë.
Më pas u bashkua dhe LSI-ja që në fillim ishte e tërhequr. Kërkesa e opozitës është minimale, që Rama të lëshojë Fatmir Xhafën, që nuk duket se do ta bëjë.
Protesta është kulmimi i çështjes dhe pritet rezultat. Kemi ngritur një çështje, është ndezur tension, dhe pritet që tensioni të shfryhet.
Nëse do i vihet kapaku, njerëzit do demoralizohen. Pra nqs protesta do mbyllet, nuk do ketë asnjë rezultat.
Ajo që është nënkuptuar nga LSI-ja se kjo protestë do të jetë më shumë se kaq, rezultati do të jetë
tjetër.
Kjo protestë nuk do udhëhiqet nga opozita por nga pjesëmarrësit. Ngjan pak me deklaratën e Ramës në 21 janar.
Rezultatin e dimë. Nuk e dimë çfarë ka planifikuar opozita por mënyrat sesi do zhvillohet, kërkojnë që të bëhet diçka më shumë.
Çfarë është kjo më shumë, ende se dimë. A do ishte më shumë përleshja me policinë? A do mund të rrethonin Kryeministrinë? Kjo është njëra mundësi.
E sigurtë është se nëse protesta fillon nesër dhe mbyllet nesër pa u plotësuar asnjë nga kërkesat ajo protestë do quhet e dështuar.”-ka thënë gazetari.
Më tej, në bashkëbisedimin me spikeren Armela Ferko, Abileaj ka folur dhe për audio-përgjimin Veliu Xhafaj.
Abilekaj ka thënë se Rama ka kryer një veprim të paprecedentë kur ka thënë se materiali është i pavërtetë.
“Gazetari Jetmir Olldashi ka treguar versionin e tij të ngjarjes dhe pjesa më e madhe e medias e kanë mbështetur.
Kryeministri në shkelje të etikës ka thënë disa herë se ky audio-përgjim është i pavërtetë dhe se protagonistët janë aktorë.
Ky version është shumë herë i pabesueshëm nga përgjimi. Vërtetë kemi dëshmitarë si Albert Veliu që është i pabesueshëm, por ashtu kemi edhe gazetarin Jetmir Olldashi që ka punuar 15 vite dhe nuk ka dalë kurrë i pabesueshëm. “-është shprehur ai.
(F.G/Faxweb.al)
Discussion about this post