Akuzat e zv/kryeministrit, Peleshi: Berisha tensionon debatin politik

Zëvendëskryeministri Niko Peleshi akuzon ish-kryeministrin Berisha për situatën e krijuar të enjteve në Parlament.

Në një intervistë për Ora News, mbi analizën e qeverisë, ai është shprehur se Berisha ia ka dalë që ta mbajë të tensionuar parlamentin.

“Nëse do t’i njohim një ‘sukses’ opozitës, kjo është e enjtja në parlament. Jo në kuptimin e aksionit politik por në kuptimin e mbajtjes së parlamentit në pozicionin e një teatri politik që sa vjen dhe bëhet më i shëmtuar për qytetarët. Nuk mund të them se kemi rënë brenda por ia ka dalë. Le ta personalizojmë sepse besoj që ka një personazh që e dominon të enjten në parlament nga opozita, ky është ish kryeministri. Unë besoj që ia ka dalë, nuk dua të analizoj arsyet që të dominojë dhe të mbajë të tensionuar dhe jashtë konstruktivitetit debatin politik ditën e enjte në parlament”, është shprehur numri dy i qeverisë.  (A.R/SHUPLAKA)