Nënkryetari i LSI-së Luan Rama, në konferencën e sotme të paralajmëruar edhe më parë, ka reaguar lidhur me akuzat për një eksponent të LSI-së, Ilir Hysi.
“Jam këtu për të denoncuar një akt qesharak dhe krejtësisht të papërgjegjshëm. Kryeministri i vendit është shfaqur sot para pak çastesh si një zëdhënës gënjeshtar duke publikuar një lajm të rreme. Gjatë gjithë ditës strukturat e LSI po denoncojnë të gjitha aktet e përfaqësuesve të Rilindjes, që po kryejnë shantazh në përpjekje për të korruptuar blerjen e votës qytetare.
Në vazhdën e denoncimit tonë, në faqen zyrtare të LSI në facebook janë bërë dy denoncime. Denoncimi i parë ka të bëjë me faktin që LSI denoncon një akt që mban firmën erilindjes. Bëhet fjalë për në ksamil ku një maskinë me anëtar të Rilindjes po shërndan lekë për blerje votash.
Ka dalë një lajm tjetër, madje në disa media është cilësuar me prioritet, me burim të drejtpërdrejt nga kryeministri Rama se: LSI denoncon një targë makine, por bën autogol sepse është e nënprefektit të LSI.
Këtë lajthitje mund t’ja toleronim një punonjësi ordiner dhe jo kryeministrit që është edhe më ordiner se kaq.
Qytetari me emrin Ilir Hysi, jo i LSI, por një Ilir Hysi tjetër Ilir Fatmir Hysi, që ka biznesin e vet dhe jep makina me qera. Po e them këtë që kryeministri t’i mbajë shënim dhe të kuptjë lajthitjet e tij.”, reagon Luan Rama.
Për më tepër, Luan Rama ka publikuar edhe foton e Ilir Hysit që jepte makinat me qera. Ndërsa i bën thirrje kryeministrit të marrë informacionet e sakta dhe mos t’u bjerë më qafë njerëzve të pafajshëm. (D.D/Shuplaka)
Discussion about this post