Që prej datës 1 janar ka hyrë në fuqi paketa e re fiskale për taksën e gazit. Kështu u vendos një akcizë prej 8 lekësh për litër për gazin e lëngshëm që përdoret për automjetet. Po kështu u tha që përdoruesit e tjerë përjashtohen nga kjo akcizë por duket se qytetarët janë përballur me një tjetër fakt.
Ndërkohë që kanë marrë gaz në pika të ndryshme karburanti për të mbushur bombolat me të cilat gatuajnë apo ngrohen ata kanë vënë re një rritje të çmimit dhe janë irrituar.
Për shembull nëse një litër gaz ishte 39 lekë, sot ajo është 65 lekë, me një rritje prej 26 lekësh. Megjithatë, të revoltuar janë edhe personat që përdorin gazin e lëngshëm për automjetet e tyre. Sipas Jeta Osh Qejf qytetarët shprehen se tani presin vetëm taksën e frymëmarrjes nga qeveria Rama. (J.V/Shuplaka)
Discussion about this post