Marrëdhëniet e Gjermanisë me Turqinë janë acaruar edhe më shumë pas arrestimit të aktivistit gjerman të të drejtave të njeriut nga Turqia. Ministri i Jashtëm i Gjermanisë, Sigmar Gabriel, ka thënë se Gjermania do të marrë hapa kundër Turqisë.
Ai ka thënë se Gjermania do të bisedojë me aleatët e saj të BE-së rreth aspiratave të Turqisë për t’iu bashkuar bllokut. Gabriel tha gjithashtu se nuk mund të garantohen më investime gjermane në Turqi.
“Duhet të jemi më të qartë se ç’ishim deri tani, në mënyrë që përgjegjësit në Ankara ta kuptojnë se politika të tilla nuk kalojnë pa pasoja,” ka thënë ai.
Gabriel ka thënë se nuk mund të imagjinojë se do të ketë bisedime për zgjerimin e unionit të doganave në Turqi. Ai ka publikuar edhe këshilla të udhëtimit për të paralajmëruar për rreziqet që gjermanët mund të përballen në Turqi.
(B.H/Shuplaka)
Discussion about this post