Në Kurbin janë arrestuar 3 persona pasi kanë gjuajtur me armë zjarri. Po kështu edhe një person tjetër është shpallur në kërkim pasi dyshohet se ka qëlluar me armë zjarri në qytetin e Laçit.
Të arrestuarit janë Alban Lika, 25vjeç, Ernis Lika, 20vjeç dhe Arber Lika,18 vjeç.
DETAJE:
Nga Specialistët për Hetimin e Krimit në Komisariatin e Policisë Kurbin, u bë arrestimi në flagrancë i tre shtetasve, si dhe shpallja në kërkim e një tjetri dhe konkretisht :
•Alban Lika, 25vjeç, banues në Kurbin.
•Ernis Lika, 20vjeç, banues në Kurbin.
•Arber Lika,18vjeç, banues në Kurbin. Arrestimi i tyre u bë pasi më datë 01.01.2018 në orën 00:30, këta tre shtetas dyshohet se duke lëvizur me automjetin tip Benz që drejtohej nga Alban Lika, në Sanxhak, kanë qëlluar me armë zjarri. Automjetit ja kishin hequr targat kur kanë qëlluar me armë zjarri. Në cilesinë e provës materiale u sekuestrua automjeti së bashku me targat të cilat ishin në bagazh, 19 gëzhoja dhe një fishek model 56, kalibri 7.62. mm.
Gjithashtu u bë shpallja në kërkim policor e shtetasit : Gj.S., 23 vjeç, banues në Kurbin. Shtetasi i lartpërmendur u shpall në kërkim nga Policia, pasi më datë 01.01.2018, rreth orës 00.25, duke drejtuar automjetin e tij tip Benz, dyshohet se ka qëlluar me armë zjarri në qytetin e Laçit dhe më pas ka braktisur mjetin në një lavazh, dhe është larguar. Gjatë kontrollit të automjetit u gjetën 2 fishekë luftarakë dhe një gëzhojë model 56 kalibri 7.62 mm. Vijon puna për kapjen e shtetasit të shpallur në kërkim. Materialet i kaluan Prokurorisë Pranë Gjykatës së Shkallës së Parë Kurbin për veprime të mëtejshme për veprat penale “ Prodhimi dhe mbajtja pa leje e armëve luftarake dhe e municionit “ dhe “Prishja e qetësisë publike”, parashikuar nga nenet 278 dhe 274 të Kodit Penal.
