Policia ka arrestuar personin e dyshuar për vjedhjen me dhunë të banesës së shtetasit A.Ç, 67 vjeç, ndodhur në orët e para të mëngjesit të sotëm në Gjirokastër.
Sipas të dhënave të policisë, është arrestuar shtetasi Arbland Demçaj, 29 vjeç, banues në Gjirokastër, të cilit i janë gjendur dhe sekuestrouar në cilësinë si provave materiale sende të vjedhura në banesë nga autori.
Kështu i janë sekuestruar dy telefona celular të markës Samsung, disa bizhuteri, një unazë e një varëse, ndërsa sasinë prej 10.000 lekësh autori e kishte shpenzuar në lojra fati.
Materialet në ngarkim të këtij shtetasi do ti kalojnë Prokurorisë së Rrethit Gjyqësor Gjirokastër për veprime të mëtejshme, për veprën penale “Vjedhje me dhunë”, të parashikuar nga neni 139 i Kodit Penal.
(M.Q/Faxweb)
