Fatos Nano u shfaq më 9 tetor të vitit 2017 në krah të kryeministrit Edi Rama në Shkodër. Të dy, lideri historik i socialistëve dhe ai aktual ndoqën së bashku ndeshjen mes kombëtares dhe azzurrëve të Italisë në “Loro Boriçi”
Përkundrejt gjithçkaje që flitet e shkruhej për marrëdhëniet e ndera mes tyre, si për të përgënjeshtruar gjithçka, Nano dhe Rama panë ndeshjen e asaj nate Shqipëri-Itali në stadiumin “Loro Boriçi” nën shoqërinë e njëri-tjetrit.
Megjithaë marrëdhëniet me ulje e ngritje në të shkuarën, Edi Rama nuk e ka lënë pa e shpërblyer paraardhësin e tij.
Djali i Fatos Nanos, Sokol Nano, i cili njihet edhe si pronar i një prej club-eve me famë në kryeqytet është emëruar drejtor ekzekutiv i Agjencisë Shqiptare për Zhvillimin e Investimeve (AIDA). Sokol Nano është djali i Fatos Nanos me bashkëshorten e tij të parë Rexhina Nano.
Por lajmet nga Fatos Nano nuk kanë të sosur. Ditën e sotme, ndërsa i biri është emëruar drejtori i Agjensisë së Investimeve, vetë ish-kryeministri është fotografuar në avion duke sistemuar bagazhet. Në kuptimin simbolik të fjalës, ndërsa i biri është në nisje të karrierës së vet administrative e ndoshta politike më vonë, babai i larguar prej kohësh nga politika, ështën në avion për t’u larguar edhe nga Shqipëria.
(E.L./Faxweb)
