“Bëjnë mirë të luten ‘O Zot ishalla nuk po vijnë!’” Rama sqaron me detaje çfarë do të ndodhë me gjykatësit

Kryeministri Edi Rama nga qyteti i Lezhës në kuadër të forumit për Llogaridhënies Publike ka folur edhe njëherë për çështjen e gjykatësve dhe prokurorëve të korruptuar të cilët do të kalojnë procesin e Vettingut dhe më pas mund të ndiqen edhe penalisht.

Ai përmendi rastin e tokave tek zona e Ranës së Hedhur në Lezhë ku një muaj më parë u bë publik skandali me tjetërsimin e pronave.

Në atë çështje të hapur këtu në Lezhë nuk janë vetëm ata që akuzohen. Në atë çështje të hapur ka edhe gjykatës e prokurorë. Sepse ato rrëmbime pronash janë bërë në bashkëpunim me gjykatës, jo vetëm nga ata që akuzohen.

“Kujt i shkonte në mendje që ata gjykatës e prokurorë të tillë do të vinte dita që do të ishin rrugëve dhe duke u lutur ‘O Zot ishalla nuk po vijnë të më kapin.’ Të mëdhenj e të vegjël. Ja pra.” – paralajmëroi kryeministri Rama.

(E.L./Faxweb)