Kreu i PD-së Sali Berisha, gjatë takimit me shqiptarët në Athinë, është shprehur se është takimi më prekës dhe mallëngjyes.
“Është nder i madh të përshëndes sot nga kjo sallë shqiptarët, në Athinë. Shqiptarët në katër anët e Greqisë dhe shqiptarët kudo që janë sot, ju përcjell sot përshëndetjet më të zjarrta nga Athina.
Përulem me nderimin më të madh para qytetarëve grekë të këtij qyteti, sepse Athina, në këto vite, ka treguar zemrën më të hapur, bujarinë më të madhe ndaj shqiptarëve. Ajo ka sot shqiptarë më shumë se çdo kryeqytet dhe qyet tjetër jashtë Shqipërisë.
Të dashur miq, takimi me ju është takimi më prekës, më mallëngjyes, është takimi me sakrificën mbinjerëzore të njeriut. Ju, në një kohë kur diktatura kishte shndërruar kombin shqiptar në një rraskapitje të madhe thuajse fantazma, në një kohë kur ajo në dekada kishte vjell vrerë se asnjë komb tjetër fqinjin tonë mijëravjeçar, ju vërshuat drejt këtij vendi, për të gjetur shpëtim nga dhimbjet e tmerrshme që trashëgonte diktatura.
Ju sfiduat çdo gjë, çdo mashtrim, çdo dezinformim dhe erdhët drejt një të panjohur, njerëz që profesionet e kërkuara nuk i kishin, por u pritët nga mikpritësit tuaj, qytetarët e këtij vendi dhe me një shpejtësi të rrufeshme, ju u shndërruar dora dorës në një faktor të rëndësishëm të zhvillimit ekonomik.
Historia po përsëritet, ne jemi në sallën që mban emrin e një greko shqiptareje të famshme, Melina Mërkuri. Melina të tjera, Irana Papas të tjera do të dalin nga ju, me të cilat do krenohet Greqia dhe Shqiëperia.
Të dashur miq, mirënjohja ime për ju dhe çdo shqiptari është e pakufishme, sepse erdhët këtu dhe një pjesë të mirë të fitimeve tuaja, ju i kaluat të familjet tuaja në Shqipëri. U bëtë pjesë e rëndësishme e investimeve dhe ndryshimit të Shqipërisë.
PD u themelua në vitet 90 por ju s’duhet të harroni se mbështetësi i parë i opozitës shqiptare, ishte Konstandin Mitsotakis, i cili do të ishte kryeministri i parë që do të takonte lidershipin disa javor të PD-së”, ka thene Berisha.
Discussion about this post