Një baxho e vogël në fshatin Zharnec të Divjakës është bërë qendra e një përplasjeje mes autoriteteve dhe një prej zërave më kritikë të mazhorancës, deputetit Erion Braçe.
Pas një kontrolli disaorësh nga Administrata Tatimore dhe Autoriteti Kombëtar i Ushqimit, janë sekuestruar 33 mijë kilogramë djathë të prodhuar nga qumështi i fermerëve të zonës, si dhe është vendosur një gjobë prej 40 milionë lekësh ndaj pronarit të baxhos, Tan Mebelli.
Në një reagim të ashpër në rrjetet sociale, deputeti socialist Erion Braçe ka denoncuar këtë veprim si një akt që nuk lidhet me sigurinë ushqimore, por me “varrosjen” e punës së ndershme dhe prodhimit tradicional.
Ai përfundon duke i kërkuar ndjesë publike pronarit të baxhos dhe duke e cilësuar rastin “turp për shtetin”.
