Dega e Partisë Demokratike në Shkodër ka reaguar lidhur me vizitën blic të zv.kryeministrit Erion Braëe në këtë qytet duke thënë se sot ai kërkoi ti hedhë edhe hi syve shkodranëve duke përmendur edhe blerjen e votave në zgjedhje.
“Jeni gabuar rëndë Braçe, gjeni një vend tjetër për të tilla akuza, përgjigjen Shkodra ty dhe të gjithë emisarëve të tu, u’a ka dhënë me kohë dhe reagimin e shkodranëve do ta merrni në çdo kohë. Shkodra për ju vlen vetëm në kohë fushatash, kurse për Partinë Demokratike ky qytet është simbol dhe vlerë e shtuar për mbarë Shqipërinë”, shkruhet në reagimin e PD-së Shkodër.
Deklarata vijon duke i treguar Braçes se “sot ai i dha një Shkodrës dhe shkodranëve një motiv më shumë për të protestuar me 13 prill dhe çdo ditë të vitit, deri në largimin tënd dhe të shefit tënd, tashmë të provuar nga organet e drejtësisë si hajdut i votës dhe të ardhmes së shqiptarëve”.
Numri 2 i oborrit mbretëror të qeverisë së oligarkëve na paska ardhur sot në Shkodër, në rutinën e tij të përditshme por ka harruar që Shkodra i di mirë pasojat e kësaj qeverie.
Perveç se ka inspektuar disa nga institucionet ku mungon sherbimi dhe janë të zhytura në korrupsion, Zv/kryeministri me pafytyrësinë më të madhe, ka gjetur kohë të merret edhe me Shkodrën e shkodranët.
Sot Braçe kërkoi ti hedhë edhe hi syve shkodranëve duke përmendur edhe blerjen e votave në zgjedhje, duke folur me siguri për blerje votash në Bashkinë Shkodër, por na lejoni t’ ju kujtojme se kjo aferë nuk është në ADN-në e Partisë Demokratike, aq me tepër kur të gjithë e dimë fitoren me 12 mijë vota diferencë në Shkoder në zgjedhjet e kaluara.
Jeni gabuar rende Braçe, gjeni një vend tjetër për të tilla akuza, përgjigjen Shkodra ty dhe të gjithë emisarëve të tu, u’a ka dhënë me kohë dhe reagimin e shkodranëve do ta merrni në çdo kohë.
Shkodra për ju vlen vetëm në kohë fushatash, kurse për Partinë Demokratike ky qytet është simbol dhe vlerë e shtuar për mbarë Shqipërinë.
Sot Shkodrës dhe shkodranëve i dhatë edhe një motiv më shumë për të protestuar me 13 prill dhe çdo ditë të vitit, deri në largimin tënd dhe të shefit tënd, tashmë të provuar nga organet e drejtësisë si hajdut i votës dhe të ardhmes së shqiptarëve.
Kujtojmë se mëngjesin e ditë së sotme, zëvendëskryeministri Erion Braçe në kuadër të vizitave të tij të paparalajmëruara në zyrat e administratës, ka mbërritur në Shkodër, ku ka takuar drejtorë në sektorë të ndryshëm.
Teksa ka komentuar situatën, Braçe nuk ka kursyer as kryebashkiaken e Shkodrës Voltana Ademi, teksa thotë se këtë herë të paktën koshat e plehrave ishin të pastruar.
Braçe ka komentuar dhe zgjedhjet lokale që janë dekretuar që të mbahen në 30 Qershor, duke thënë se ato patjetër që do të mbahen (lexo këtu).
(F.GJ/FAXWEB.AL)
