“Brilant” sekuestron 21 kile drogë në Elbasan, arrestohet në flagrancë 23-vjeçari belsh

Një sasi prej 21 kilogramë lëndë narkotike, 39 fishekë dhe një aparat celular janë sekuestruar gjatë operacionit të zhvilluar në Elbasan.

Është vënë në pranga, një i ri, banues në fshatin Trojas Belsh. Arrestimi i tij u bë pasi gjatë kontrollit të ushtruar në banesën e tij në fshatin Trojas Belsh.

Detaje të Policisë së Elbasanit:

Finalizohet me sukses operacioni i koduar “BRILANT”.

Sekuestrohen  21 kg lëndë narkotike e dyshuar Cannabis Sativa, 39 copë fishekë dhe një aparat celular.

Arrestohet në flagrancë një shtetas.

Specialistët e Sektorit Kundër Narkotikëve, në Drejtorinë Vendore të Policisë Elbasan në kuadër të një hetimi të ndjekur prej kohësh me metoda speciale të hetimit, finalizuan me sukses operacionin e koduar “BRILANT”.

Si rezultat i një pune të mirëorganizuar  u bë arrestimi në flagrancë i nj 23  vjeçari banues në fshatin Trojas Belsh. Arrestimi i tij u bë pasi gjatë kontrollit të ushtruar në banesën e tij në fshatin Trojas Belsh , grupi hetimor gjeti dhe sekuestroi në cilësinë e provës materiale:

21 kg lëndë narkotike e  dyshuar  Cannabis Sativa.

39 copë fishekë armë zjarri model 54,  kalibër  7.62 mm.

1  aparat telefoni celular.

Grupi hetimor vijon hetimet për identifikimin dhe kapjen e bashkëpunëtorëve të tjerë të përfshirë në këtë aktivitet kriminal.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit” parashikuar nga nenet  283 dhe 278/2 të Kodit Penal.

(XH.A/SHUPLAKA)