Burime bëjnë medije se ka nisur hetimi epidemiologjik në burgun 313 të Tiranës pas konstatimit të disa të dënuarve si të infektuar me koronavirus në këtë institucion të vuajtjes së dënimit.
Autoritetet e burgut dhe Ministria e Shndetësisë kanë nisur hetimet edhe në protokollin e lëvizjeve gjatë këtyre ditëve për të gjetur se nga ka hyrë virusi në burg ku përfshihen kryesisht ata që kanë lëvizur nga qelitë për në sallat e gjyqeve dhe anasjelltas.
Burime për Fax News bëjnë me dije se numri i të prekurve nga të dënuarit me koronavirus është më i lartë se 18 persona nga sa është raportuar, ndërkohë që të dënuarit kanë shprehur pakënaqësi dhe revoltë për mënyrën sesi po menaxhohet situata si dhe ndjehen të friksuar e të pakënaqur me trajtimin që ju bëhet.
Të njëjta burime pohojnë se, u është marrë tamponi deri më tani 48 të dënuarve përgjigjet e të cilëve pritet të zbardhen në vijim.
Mësohet se të infektuarit qëndronin në të njëjtin sektor me të infektuarin e parë.
Mësohet se gjatë kohës së pandemisë, pavarësisht vendimit për anulimin e të gjitha proceseve, Gjykata ka vijuar punën me hetimin dhe zhvillimin e seancave ndaj të pandehurve.
Tashmë të infektuarit janë sistemuar në një sektor të ri të burgut që është ngritur enkas për të dënuarit që kanë rezultuar pozitiv me Covid-19, ndërsa ka dyshime se virusi në burg është futur prej më shumë se një muaj më parë.
(F.GJ/FAXWEB.AL)
Discussion about this post