Cilët janë mjekët që pas 8 orësh operacion shpëtuan nënën e foshnjës 8 muajshe

Historia tragjike e Najada Celsulës nga Fieri e cila ra nga kati i tretë është zgjidhur më në fund. Mes lotësh nëna dhe i vëllai kërkuan ndihmë për shërimin e saj pasi gjendja e saj shëndetësore ishte shumë e rëndë. 

Pamundësia ekonomike nuk i lejonte që ata t’i mundësonin operacionet që ajo kishte nevojë për t’ju rikthyer jetës normale dhe për të qenë pranë foshnjës së saj 8 muajshe. Pas rënies e reja e gjeti veten në krevatin e Spitalit Ushtarak, e mbuluar nga fashot ku as nuk mund të fliste dhe lëviste pasi kishte pësuar thyerje të shumta në trup. Madje dhe në nofull dhe fytyrë. Këto therrje kishin nevojë për ndërhyrje më të specializuara që kryheshin në spitale me teknologji dhe staf shumë të specializuar.  

Thirrja e fundit e vëllait të saj për motrën iu drejtua të gjithë shqiptarëve. Mes lotësh ai u shpreh: “Motra ime ka rënë nga ballkoni nga katit të tretë në Fier. Ka pësuar thyerje në pjesën më të madhe të trupit, në nofull, hundë, këmbë. Pjesa e nofullës dhe hundës kërkon  një operacion  të specializuar. Ju kërkojmë shumë ndihmë, motra jonë ka një foshnjë 8 muajsh që kërkon ndihmë prej saj. Ju lutem nga ndihmoni ”.

Kjo thirrje i tërhoqi vëmendjen Ilir Hoxhollit dhe Olti Currit  të cilët publikuan dhe mblodhën  një pjesë të kostove dhe iu drejtuan  Spitalit Amerikan i cili mundësoi operacionin me një mjek të specializuar i cili erdhi që nga Vjena. 

Pas 8 orë operacioni shumë të vështirë  gjithçka doli me sukses falë kirurgut austriak Emeka Nkenke,  me famë botërorë që kreu operacionin në bashkepunim me ortopedin e shquar shqiptar me mbi 28 vjet eksperience në Itali, doktor Tonin Alian. 

“ Unë jam profesor dhe kirurg në spitalin e Vjenës. Unë jam ftuar nga Spitali Amerikan  për të trajtuar një rast shumë të veçantë  traume të një gruaje të re sepse tani ky është specialiteti im për të rindërtuar fytyrat. Aktualisht unë kam marrë shumë ekperiencë në këtë fushë, veçanëriisht  për ndërtimin mikromuskular të fytyrës dhe për të rindërtuar fytyrën që të duket normale me rastin që ka ndodhur që  njerëzit të flasin dhe të sillen normalisht”, u shpreh doktori Emeka Nkende.

Ndërsa kirurgu ortopedi Tonin Alian  është shprehur: Unë nuk e dija rastin u sensibilizova. Ajo kishte dëmtime të shumta në fytyrë. Nga ana ime ajo mund të eci se unë e operova nga ana ortopedike.”, tha ai. (J.V/Shuplaka)