Ditën e sotme, Presidenti i Shteteve të Bashkuara, Donald Trump paralajmëroi nga Shtëpia e Bardhë Iranin se në rast se fillon prodhimin e armëve bërthamore pas tërheqjes së SHBA-ve nga marrëveshja, do të ketë pasoja shumë të rënda.
Sipas Trump, Shtetet e Bashkuara do të vendosin sanksione ekonomike ndaj Republikës Islamike në një kohë shumë të shkurtër, si përpjekje për të detyruar qeverinë e Teheranit që të negociojë kushte të reja mbi marrëveshjen, provat me raketa balistike, praninë ushtarake në Siri dhe në zona të tjera të Lindjes së Mesme apo sa u përket skemave destabilizuese në atë rajon.
Deklaratat e Trump duket se thellojnë dallimin e qëndrimeve të tij me aleatët e tjerë perëndimorë të Amerikës – Britaninë e Madhe, Francën e Gjermaninë.
Vetëm pak orë pasi Presidenti Trump tërhoqi Shtetet e Bashkuara nga marrëveshja bërthamore e vitit 2015 me Iranin, pesë fuqitë e tjera nënshkruese: Gjermania, Britania, Franca, Rusia dhe Kina rikonfirmuan publikisht përkushtimin e tyre ndaj kësaj marrëveshjeje.
(E.L./Faxweb)
Discussion about this post