Ministri i Transporteve Sokol Dervishaj sëshpejti do të publikojë një raport të detajuar lidhur me menaxhimin e transportit lidhur me këto ditë të vështira me reshje dëbore dhe ngrica.
Dervishaj tha se këtë vit do të sjellë një projekt të ri për mirëmbajtjen e rrugvë në marrëveshje me Bankën Botërore, projekt i cili kushton rreth 150 milion dollarë.
“Dëbora dhe ngricat e ditëve të fundit duhet të na shërbejnë si një mësim i mirë për të pasur masat e duhura për çdo lloj situate.”, tha Devishaj gjatë inspektimit në autostradën Tiranë-Durrës.
“Ne do të bëjmë dhe një analizë të plotë të funksionimit të menaxhimit të transportit në tërësinë e tij jo thjesht të mirëmbajtjes së rrugëve por edhe si janë menaxhuar portet dhe aeroportet. Do të thotë që ne ndërtojmë rrugë por nuk marrim masat për mirëmbajtjen e rrugëve.”, tha Dervishaj.
Lidhur me projektin e ri, ministry tha se do të kryhet për mirëmbajtjen e 4000 km rrugë nacionale, me kosto rreth 150 mln dollarë.
“Procedurat kanë përfunduar, është në proces e sipër negocimi i kontratave me kontraktorët ndërkombëtarë që kanë fituar kontratat përkatëse dhe do të fillojë shumë shpejt, fillimi i muajit.”, shtoi ai. (D.D/Shuplaka)
Discussion about this post