DETAJE/ “Shko merr thikën dhe vrite”, si ndodhi ngjarja tragjike në Mamurras, 15-vjeçari goditi me thikë më parë babain e viktimës

Detaje të reja janë zbuluar nga ngjarja tragjike e natës së mbrëmshme në Mamurras ku mbeti i vrarë me thikë 14-vjeçari Adriel Sala.

Burime për ‘Fax News’ bëjnë me dije se konflikti ka ndodhur fillimisht mes dy të rinjve, pastaj për të sqaruar ngjarjen dy adoleshentët kanë thirrur prindërit e tyre dhe janë takuar sërish.

Por fatkeqësisht situata ka agravuar dhe ka plasur sherri mes palëve. Mësohet se 15-vjeçai i cili vrau bashkëmoshatarin, goditi më parë babin e viktimës dhe më pas viktimën, 14-vjeçarin Adriel Sala.

Gjatë kontrollit të ushtruar nga policia në shtëpinë e agresorit është gjetur municion luftarak që babai i agresorit, Xhevdet Xhecuka e mbante pa leje dhe për këtë është arrestuar.

Ndërkohë pak më parë në media u raportua se babai i 15-vjeçarit, Xhevdet Xhecuka dyshohet se ishte ai që kishte nxitur djalin e tij për të vrarë bashkëmoshatarin ky duke I thënë “Shko merr thikën dhe vrite”, pasi kishte parë që djali i tij ishte rrahur nga bashkëmoshatari. (B.H/Faxweb)