Detaje të reja nga aksidenti i ndodhur pak momente më parë në aksin rrugor Pogradec-Lin. Në afërsi të vendit të quajtur Pojskë, një motor me dy turistë italianë është përplasur me një kamionçinë.
Turistët italianë i kanë prerë rrugën kamionçinës, pasi ka kaluar nga një anë e rrugës në tjetrën dhe si pasojë ka ndodhur përplasja. Një prej turistëve (femër) ka marrë lëndime të rënda dhe është dërguar në spital ku ndodhet në kujdesin e mjekëve.
Policia është në vendngjarje dhe po zbardh rrethanat e aksidentit.
