Kanë dalë detaje të reja nga shpërthimi në Gurëz të Laçit i cili ka ndodhur në orët e para të mëngjesit të sotëm. Nuk ka lënduar por vetëm dëme materiale nga shpërthim. “Fax News” mëson se janë dëmtuar pjesërisht murët dhe një pjesë e soletës.
Mësohet se godina ku ndodhi shpërthimi është në pronësi të Françesk Kastratit.
DETAJE:
Rreth orës 07:00, në Sallën Operative të Komsariatit të Policisë Kurbin, ka ardhur një telefonatë se në banesen e shtetasit F.K. e cila është në ndërtim gjatë natës ka shpërthyer një sasi lëndë plasëse.
Në vendngjarje kanë shkuar shërbimet e policisë dhe grupi hetimor, ku nga verifikimet paraprake rezultoi se :
Në banesen në ndërtim e sipër të shtetasit F.K , emigarant ne Itali është vendosur dhe ka shpërthyer një sasi lënde plasëse.
Si pasojë e shpërthimit janë dëmtuar pjesërisht murët dhe një pjesë e soletës.
Si pasojë e shpërthimit nuk ka të lënduar pasi banesa është në ndërtim, si dhe larg banesave të tjera.
Grupi hetimor vijon hetimet në vendin e ngjarjes, si dhe po punohet në mënyrë intensive për identifikimin dhe kapjen e autoritëve. (J.V/Faxweb)
