Drejtori i Shërbimit të Provës në Vlorë, Taulant Korkaj ka reaguar në një deklaratë për shtyp pasi persona të paidentifikuar I dogjën makinën.
Ai thotë se nuk ka konflikte me askënd gjatë 4 viteve në këtë post. Korkaj pohon se sulmi ndaj tij duke e kategorizuar rastin si incident lidhur me detyrën e cilëson të papranueshëm dhe absurd, ndërsa fton forcat e rendit të zbardhin ngjarjet.Reagimi
Faleminderit gjithkujt që në një moment të vështirë nuk nguroj të më gjendet pranë!
Pak pas mesnate automjeti im personal u shkrumbua nga flakët, dyshuar si një zjarrëvënie e qëllimshme për shkak të detyrës.
Në katër vite që drejtoj shërbimin e provës nuk jam konflikuar kurrë me askënd, përfshirë staf apo të dënuar të cilët merrnin në këtë institucion shërbim.
Institucioni që unë drejtoj nuk ka pasur kurrë asnjë punonjës sigurie në derën e tij, sepse nuk ka qenë kurrë e nevojshme.
Sulmi ndaj meje duke e kategorizuar rastin si incident lidhur me detyrën që unë ushtroj është tërësisht apsurd dhe i papranueshëm.
Ndërsa sa i përket jetës sime personale, dhuna dhe konflikti nuk kanë qënë kurrë opsion.
Ftoj forcat e rendit të zbardhin ngjarjen dhe të vënë përpara përgjegjësisë autorin!
(B.H/Faxweb)
