Emisioni investigativ “Ajsberg” në drejtimin e Artur Çanit ka publikuar mbrëmjen e sotme një dokument të nënshkruar nga ministrja e Drejtësisë Etilda Gjonaj me datën 14 mars, për lirimin të burgosurve, ku ndër to ishin edhe dy emra të njohur Gramoz Murataj dhe Elvis Mulajt.
Duke sjellë një kronologji të rekordeve kriminale të këtyre dy personave, Çani tha se Gramoz Murataj është mik i Fatmir Xhafajt dhe Elvis Mulaj është vëllai i kryetares së Komisionit të Posaçëm të Apelimit.
“Gramoz Murataj dhe Elvis Mulaj janë dënuar nga Gjykata e Shkallës së parë dhe janë dënuar me masën e sigurisë “Arrest me burg”.
Elvis Mulaj është vëllai i kryetares së Komisionit të Posacëm të Apelimit të asaj që quhet Gjykata e Gjyqtarëve në procesin e vettingut. Këta persona ishin dënuar për shumë vepra kriminale.
Ky vendim është bazuar në disa nene të kodit penal dhe procedurës penale. Në bazë të këtyre neneve u vendos masa “Arrest me burg”.
Njëri mik i Fatmir Xhafajt dhe tjetri vëllai i kryetares së KPA-së. Si do ti nxjerrim këto?! Si gjithmonë për të gjetur punët me drejtësinë është ai më i mençuri dhe më i ftohti, ish-ministri Fatmir Xhafaj.
Ka fjalë që Xhafaj ka lobuar shumë që Etilda Gjonaj të jetë ministre e Drejtësisë dhe kanë marrëdhënie të mira.
Më 12 Mars gjykata shpall masën e rigjykimit të masës së arrestit me burg që kishte vendosur Gjykata e Shkallës së parë.
Ministrja e tregoi veten që është mikeshë e mirë, dhe me datën 14 mars ministrja Etilda Gjonaj e nisi menjëherë vendimin. Këto do të gjykoheshin në datë 19 mars dhe e nisi menjëherë vendimin ministrja dhe vendimi u dha.
Ky vendim thotë se: Ministrja ja dërgon këtë Prokurorisë së Përgjithshme, KLGJ dhe KLP-së.
Ministrja në këtë dokument thotë që: Në paragrafin e 4 të shkrese e nisur në 14:03:2020, ajo thotë që kërkojmë nga ana juaj udhëzimin dhe orientimin e gjykatave dhe prokurorëve për të patur në vemendje dhe për të inkurajuar zbatimin e alternativave të dënimit dhe aplikimin e masave shtrënguese për personat nën hetim apo të pandehur.
Çani: Pra ministrja thotë kujdes mos dënoni me burg këto miqtë tanë. Dhe kjo shkresë u shpall në datën 14, para datës së gjykimit.
Në datën 19 mars kërkesën për këto në Gjykatën e Apelit e beri prokurori Dritan Peka, i cili kërkoi që të ndryshohej masa nga “Arrest me burg” në “Arrest shtëpie”.
Një pyetje kam edhe për z. Pekën si mund ti lirojë këto dy persona? Apo lidhet Elvis Mulaj bashkë me këtë?! Pasi mesa u interesova unë, Peka nuk e ka kaluar vettingun dhe e motra e këtij në këtë rast është kryetare e KPA-së, e vetmja gjykatë e juaja.”-tha Çani.
(M.Q/Faxweb.al)
Discussion about this post