Pas lajmit në portalin grek, “markeleio.gr”, i cili shkruante se, ministrja shqiptare e mbrojtjes Mimi Kodheli ka punuar vite më parë si striptiste në një klub nate në shtetin fqinj, ka ardhur reagimi i parë nga pala shqiptare.
Është drejtoresha për shtypin në Kryeministri, Armela Krasniqi, e cila përmes një postimi në rrjetet sociale ironizon me shkrimin e medias helene.
“Kur të mungon argumenti merresh me shpifje. Kjo histori e plakave thashethemexhie që s’linin gomar pa barrë po përsëritet me fqinjin në jug. E neveritshme! Por edhe interesante si rast studimor për të kuptuar mjerimin e mendimit”, shkruan Krasniqi në Facebook.
“Pas aventurës në klubin grek, zonja Kodheli ka shkuar në Amerikë për të mbrojtur një doktoraturë në Marrëdhënie Ndërkombëtare. Por zonja Ministre si grua e arsimuar që është duhet ta dijë çfarë Greqia ka bërë për shtetin e saj. Zonja Ministre duhet ta dijë se kur Shqipëria ishte vetëm një vrimë e zezë në hartën e botës, nuk ishte Turqia ajo që e ndihmoi Shqipërinë. Përkumdrazi Ministrja zgjedh të jetë palë me pushtuesit’’, thuhet ndër të tjera në shkrimin e gazetës greke.
Discussion about this post