Drogë dhe kontrabandë alkooli, 9 persona në pranga në Itali. Mes tyre shqiptarë

Një tjetër operacion antidrogë është zhvilluar së fundi në brigjet e Italisë. Në pranga janë vendosur 9 persona, mes tyre italianë dhe shqiptarë. 

Mediat italiane raportojnë se droga vinte nga Shqipëria, ndërsa shpërndahej në Brindisi, Bari dhe Leçe.  

Më tej ‘La provinciacr.it’ shkruan se të arrestuarit akuzohen dhe për kontrabandë cigaresh dhe alkooli.

Bëhet fjalë për dy grupe të ndryshme ku janë përqendruar hetimet e Prokurorisë Publike të Brindisit, ku kjo e fundit ka kërkuar marrjen e masave të sigurisë për grupin që vepronte në krahinat e Brindisit, Barit dhe Leçes.

(E.K/FAXWEB)