Dua Lipa di të bëjë vetëm gjëra të bukura.
Në bashkëpunim me Fondacionin Booker Prize, ajo vizitoi së fundmi “HMP Downview”, një burg për gra në Surrey, për të marrë një vështrim të drejtpërdrejtë të Books Unlocked, një program i krijuar nga BPF dhe National Literacy për të nxitur një kulturë të leximit për njerëzit e burgosur.
Kjo vjen pasi këngëtarja, kohët e fundit hapi një klub librash të sajin, të cilën e promovoi në kuadër të podkastit të saj, “Dua Lipa at Your Service”.
“Ishte thjesht si një futje në dhomë dhe kuptimi i librave që duan të lexojnë në kohën e tyre, se si kjo i bën të ndihen, se si kjo ka qenë në gjendje t’i ndihmojë ato të kuptojnë emocione dhe ndjenja të ndryshme”, tha Dua, duke shtuar se këto gra e frymëzuan dhe u ndje e privilegjuar që pati fatin t’i vizitonte.
Platforma e Duas ‘Serivce25’ publikoi një video të kësaj vizite, me Duan të cilës duket se ka marrë përshtypjet më të mira nga kjo vizitë.
Dua iu bashkua grave në një bisedë rreth dashurisë së tyre të përbashkët për librat, se si leximi ndihmon në ndërtimin e miqësive dhe komunitetit dhe se si mund të ndihmojë në përgatitjen e grave për jetën përtej burgut.
