Kreu i Partisë Agrare Ambientaliste, Agron Duka, i cili këtë vit kandidon në listat e Partisë Demokratike, pas marrëveshjes me kryedemokratin Lulzim Basha, ka deklaruar sot në Shijak, se ka të drejtë t’u kërkojë votën edhe demokratëve edhe socialistëve.
“Unë natyrisht dua t’i them dy fjalë për rrugëtimin tim politik. Kam të drejtë t’i kërkoj votën demokratëve sepse kam qënë ministër bujqësie 2001 – 2005 dhe i kam pritur dhe përcjellë, por edhe u kam mbaruar punë. Kam të drejtë gjithashtu t’i kërkoj votën edhe të majtëve sepse edhe me ata kam pasur marrëdhënie shumë të mira.
Pra të kërkoj votën e qytetarëve të Shijakut jo pa arsye, por sepse, në 2013 të paktën për zonat rurale u premtua shumë nga rilindja, u premtua naftë pa akcizë, pa taksë qarkullimi dhe vazhdon akoma të kemi taksë qarkullimi. U premtua se do të zgjidhen të gjithë problemet e ujitjes dhe kullimit. Është e njëjta gjendje. U premtuan subvencionet direkt, në fakt nuk është bërë asgjë, ka rreth 10-12 milion euro subvencion në vit. Ndërkohë program i bujqësisë së Partisë Demokratike premton 100 milion euro subvencione direkte, por direkte për fermerin, për ata që punojnë në bujqësi”, tha Duka. (D.D/Shuplaka)
Discussion about this post