Policia e Durrësit vijon kontrollet intensive në terren për identifikimin dhe ndalimin e ndërtimeve të paligjshme si dhe për lirimin e hapësirave publike të zëna në kundërshtim me ligjin.
Gjatë një kontrolli të zhvilluar në bashkëpunim me Policinë Bashkiake dhe Inspektoratin e Mbrojtjes së Territorit (IMT), në lagjen nr. 4 të qytetit, u konstatua një objekt prej druri që po ndërtohej pa lejen përkatëse në një sipërfaqe prone publike.
Në përfundim të veprimeve hetimore, u arrestua në flagrancë shtetasi Faik Bilali, 42 vjeç, banues në Durrës, për veprën penale “Ndërtimi i paligjshëm”, kryer për qëllime fitimi.
Materialet procedurale i kaluan për ndjekje të mëtejshme Prokurorisë pranë Gjykatës së Shkallës së Parë të Juridiksionit të Përgjithshëm Durrës.
