Një ngjarje e rëndë ka ndodhur në Durrës për shkak të pakujdesitë së një shoferi pasi kishte lënë derën e urbanit hapur për shkak të vapës, dhe si pasoje është rrëzuar rrugës faturino e cila ishte femër.
Ngjarja e frikshme ka ndodhur paraditen e sotme rreth ores 10:00 në linjën e Unazës së Durrësit, në zonën e Ish-Kënetës.
Të pranishmit në vendngjarje tregojnë se urbani ishte në ecje ndërkohë që dera e parë qëndronte e hapur nga ku edhe ka rënë faturino (femër), e cila është lënduar në kokë, pa pasoja më të rënda fatmirësisht.
Ambulanca, që sipas qytetarëve ka vonuar të mbërrijë, ka dërguar në spital të plagosurën për të marrë mjekimin e nevojshëm dhe ndodhet nën kujdesin e bluzave te bardha.
Ndërsa policia ka bllokuar automjetin e transportit publik si dhe ka ndaluar shoferin, i cili njihet në rrethin shoqëror në Durrës si “Kinezi”.
Edhe pse Këshilli Bashkiak votoi pro rritjes së çmimit të biletës nga 300 në 400 lekë që hynë në fuqi që nga data 1 korrik një dit pas zgjedhjeve, pasi do të investohej në mirëmbajtjen e tyre, autobusët e Durrësit që qarkullojnë nëpër qytet vijojnë të mbeten makthi i përdoruesve sidomos në stinën e nxehtë të verës !
Informacioni i Policise:
Specialistët e Qarkullimit Rrugor në D.V.P. Durrës, arrestuan në flagrancë shtetasin S.K., 52 vjeç, banues në Shkallnur, Durrës për veprën penale “Shkelja e rregullave të qarkullimit rrugor” dhe ” Drejtimi i automjetit në gjendje të dehur”.
Arrestimi i tij u bë pasi paraditen e sotme ky shtetas duke lëvizur me autobusin e Unazës, Durrës, ka lënë hapur derën e autobusit ku për pasojë është rrëzuar fatorinoja shtetasja S.T.,50 vjeçe, e cila u transportua në spital dhe ndodhet nën kujdesin e mjekëve, jashtë rrezikut për jetën.
Drejtuesi i mjetit u shoqërua në Komisariat dhe nga testi i alkoolit rezultoi të ishte në gjendje të dehur.
Materialet hetimore i kaluan Prokurorisë për veprime të mëtejshme.
(F.GJ/FAXWEB.AL)
