Një ngjarje e rëndë e krimit në familje ka ndodhur para pak minutash në qytetin e Vlorës.
Bashkëshorti dyshohet se ka vrarë gruan duke e mbytur, dhe më pas ka tentuar ti japë fund edhe jetës së tij duke prerë damarët.
Gjendja e tij është e rëndë, dhe është transportuar me urgjencë në drejtim të spitalit të Vlorës.
Çifti i bashkëshortëve ka pasur dhe më herët probleme me njëri-tjetrin, ndërsa gruaja ka pasur dhe urdhër mbrojtje.
Mësohet se viktima është Eva Lera 43 vjeç, ndërsa autori Teodor Lera 53 vjeç.
Burri ka qenë në burg 4 muaj për dhune në familje, ndërsa së bashku kishin tre fëmijë, 2 vajza dhe 1 djalë, të cilët nuk jetonin më me ta.
Komshinjtë thoshin se ai e dhunonte vazhdimisht gruan e tij. Ngjarja ka ndodhur në lagjen pranë komisariatit të Policisë, ku ishte dhe banesa e tyre.
Një prej fqinjeve tregon se bashkëshorti ishte i papunë, dhe Eva kishte një dyqan të vogël, pranë banesës.
‘’Ka qenë shumë grua e mirë, e qetë. Ishte e përkushtuar me familjen, ka ushtruar dhunë vazhdimisht ndaj saj. Nuk tregonte as kur e denoncoi, ndoshta kishte dhe frikë. Kanë tre fëmijë, vajza e madhe është në Amerikë, djali në Angli dhe vajza e vogël është studente. E ka falur për hatër të fëmijëve”, shprehet fqinja për gazetaren e Fax News Afrovita Hysaj.
(E.K/FAXWEB.AL)
