Për herë të parë në historinë e saj Vllaznia bie nga Superliga Shqiptare për në Kategorinë e parë. Shkodranëve nuk u ka mjaftuar fitorja me goleadë 5-1 ndaj Skënderbeut pasi Kamza ka mposhtur 1-0 Partizanin.
Vllaznia arriti të shënojë dy gola në pjesën e parë dhe 3 në të dytët, të cilët ishin të mjaftueshëm për mbijetesën nëse Kamza do të barazonte me Partizanin, por kjo gjë nuk ndodhi në “Selman Stërmasi”.
Në ndeshjet e tjera të javës së fundit të kategorisë Superiore, Laçi fitoi 4-2 me Teutën, Lushnja u mposht në fushën e saj 1-2 nga Luftëtari, i cili siguroi Europa League. Ndërkohë, Kukësi barazoi 2-2 me Flamurtarin.
Kujtojmë që Vllaznia në 2019 ka 100-vjetorin e klubit, por që fatkeqësisht ‘djepin e futbollit shqiptar’ do e gjejë në kategorinë e dytë. (B.H/Faxweb)
Discussion about this post