Zv. Presidenti i Federatës Italiane të Futbollit, Renzo Ulivieri, nuk ka ndryshuar. Ai vazhdon të mbajë një pozicion të rëndësishëm në institucionin qeverisës të futbollit në Itali, edhe pse është plot 76-vjeç.
Ulivieri njihet për karakterin e tij shpërthyes që në kohën kur ishte ende trajner dhe këtë e sjell ndërmend edhe me një postim të ditëve të fundit.
Ndërkohë që ndodhej për pushime në Çikago, zv. Presidenti i Federatës Italiane të Futbollit ka realizuar një foto përpara një ndërtese në pronësi të presidentit të SHBA-ve Donald Trump.
Siç duket, ish-trajneri nuk e pëlqen presidentin e shtetit më të fuqishëm në botë sot për sot, dhe e ofendon atë duke drejtuar gishtin e mesit.
Fotoja ka bërë shumë bujë tek mediat italiane, të cilat shkruajnë se për hir të postit të tij, Ulivieri nuk duhet ta kishte publikuar kurrë atë. (D.D/Shuplaka)
