Një konsulente martese deklaroi në televizionin shtetëror të Iranit se gratë duhet të puthin këmbët e bashkëshortëve, edhe nëse janë rrahur prej tyre.
“Një të premte në mbrëmje, kur burri juaj të jetë duke pushuar në divan, vendosni një legen poshtë këmbëve të tyre. Ngadalë, bëjini një masazh këmbëve, thajini me një peshqir, dhe në fund puthini këmbët e tyre.” – deklaroi ekspertja në intervistën e saj.
“Një trajtim i tillë me ujë me trëndafila, kripë, ose qumësht do i mbajë burrat tuaj të karikuar për një muaj”. Edhe nëse burri juaj është i varur nga droga, apo ju rreh, thjesht bëjeni dhe do shihni mrekulli në jetën tuaj, vijoi më pas ajo.
Një deklaratë e tillë ka shkaktuar debat të madh edhe në Iran. Televizioni ISNA është detyruar që të kërkojë falje, pas ankesave të shumta që kanë ardhur në adresë të tij.
(M.Q/Faxweb)
