Kryeministri Edi Rama gjatë takimit që ka pasur sot në pikën e grumbullimit të mbetjeve në Durrës në Porto Romano, ka thënë që situata është apokaliptike dhe se duhet që të ndërhyhet menjëherë.
Rama shoqërohej nga ministri Blendi Klosi dhe Vangjush Dako, po nuk ka munguar as shoqëria e derrave në zonë.
Situata e menaxhimit të mbetjeve në zonën e Durrësit është mjaft problematike, dhe Rama i ka kërkuar Dakos zgjidhjen e menjëhershme të kësaj situate.
Pyetur dje nga ana e gazetares së Fax News, Rama tha se ishte në dijeni të situatës dhe zgjidhja duhet të jetë e menjëhershme dhe radikale.
Rama ka folur dhe për heqjen e qeseve nga tregu, duke konfirmuar kështu nismën e marrë n ga ministri i mjedisit Blendi Klosi.
‘’Këtu ka 30 vite që është si skena e apokalipsit, duhet që të mbyllet kjo fushë dhe të tranferohet në një park. Mbetjet duhet të çohen në impjantin e Tiranës, duke pasur një ide të qartë dhe për kostot”, u shpreh Rama.
(E.K/FAXWEB.AL)
Discussion about this post