Turizmi do të vijoj që të jetë një ndër mbështetësit kryesor të ekonomisë shqiptare edhe në vitet në vijim. Vlerësimi vjen nga Komisioni Europian i cili në raportin e fundit thekson se ekonomia e Shqipërisë pritet të rritet me 3.6% në 2025 dhe 3.5% në 2026, mbështetur nga kërkesa e brendshme, turizmi dhe eksportet e shërbimeve pritet të vijojnë zgjerimin, ndërkohë që eksportet e mallrave pritet të rimëkëmben disi pas dy viteve tkurrje të konsiderueshme.
Inflacioni pritet të kthehet gradualisht në objektivin prej 3% vitin e ardhshëm.
Komisioni Europian vlerëson se si një ekonomi e vogël e hapur, Shqipëria është e ekspozuar ndaj rreziqeve të jashtme që lidhen me ndikimin ekonomik të tarifave në pjesën kryesore të saj te partnerët tregtarë në BE, kryesisht Italia me të cilën vendi ynë ka nivelin më të lartë të shkëmbimeve tregtare.
Punësimi u rrit në vitin 2024 dhe pritet të rritet më tej gjatë viteve 2025-2026, megjithëse me një ritëm i moderuar. Shkalla e papunësisë pritet të mbetet e qëndrueshme, ndërkohë që pagat vijojnë të rriten.
Ky vlerëasim për ecurinë e ekonomisë shqiptare vlej pas raportit të Fonfit monetary ndërkombëtar që kishte një vlerësim më të lartë për një rritje të ekonomisë me 3.8% dhe Bankës Botërore e cila ka një projeksion pak më të ulët duke parashikuar një rritje ekonomike me 3.2%.
