Në orët e para të mëngjesit të sotëm gjatë një aksioni të forcave RENEA-s në fshatin Rremas në Divjakë ka mbetur i plagosur një 77 vjeçar në banesën e tij, pasi dyshohej së në të fshiheshin dy të kërkuar për vrasje.
Sipas infomacioneve të policisë thuhet se pasi Haxhi Lika nuk iu bind thirrjeve të RENEA-s për të ulur armën, (çifte), ata kanë qëlluar në ajër por në rrethana të paqarta ai është plagosur në kokë. Ndërkohë në polici janë shoqëruar dy djemtë e Haxhi Likës.
Burime për ‘Fax News’ nga policia bënë të ditur se ishin lëshuar disa urdhra kontrollesh për dis banesa në Lushnjë dhe disa fshatra të Lushnjës në kuadër të planit të masave për operacionin “Forca e Ligjit”.
Kontrollet janë ndërmarrë për kapjen e personave të kërkuar për vrasje dhe për ata të dënuar për këtë vepër penale.
Kontrollet janë bërë edhe tek të afërmit e Orgest Bilbilit dhe Laert Haxhiut. Këta dy të fundit janë në kërkim prej një viti për vrasjen që ndodhi një vit më parë në Lushnje afër komisariatit të policisë.
Laert Haxhiu dhe Orges Bilbili janë autorët kryesorë të dyshuar të ngjarjes së para 1 viti në Lushnje, ku mbetën të vrarë dy persona, Jurgen Hoxha dhe Samir Latifi.
Laert Haxhiu dhe Orges Bilbili janë përfshirë ne vrasje, plagosje, vjedhje, trafik droge etj. Sipas të dhënave zyrtare që tashmë rezultojnë në dosjet e Prokurorisë e Gjyqësorit, Laert Haxhiu është autor i vrasjes së anëtarit te grupit të Aldo Bares, Gerti Lala, 29 vjeç.
Po ashtu ai është akuzuar si autor kryesor i plagosjes me pistoletë të Xhulio Shkurtit dhe Saimo Xheliut, në 25 shtator të 2016-ës, shumë pranë vendit ku ndodhi atentati mafioz i 11 tetorit .
(B.H/Faxweb)
