Një 37-vjeçar i identifikuar si Altin Bardhi është arrestuar nga Policia e Tiranës pasi ushtroi dhunë ndaj bashkëshortes dhe e kanosi atë me mjet prerës.
Blutë kanë sekuestruar 1 armë gjahu që posedonte autori në banesë dhe mjetin prerës në cilësinë e provës materiale.
Njoftim i Policisë:
Si rezultat i veprimeve të shpejta është bërë neutralizimi, kapja dhe arrestimi në flagrancë i shtetasit A. B., 37 vjeç. Ky shtetas, ditën e djeshme, në banesë, dyshohet se ka ushtruar dhunë ndaj bashkëshortes së tij dhe e ka kanosur atë me mjet prerës, në prezencë të fëmijës së tyre.
Arma e gjahut dhe mjeti prerës i dyshuar i përdorur për kanosjen u sekuestruan në cilësinë e provës materiale.
Materialet procedurale i kaluan Prokurorisë së Tiranës, për veprime të mëtejshme.
