Gazetari dhe miku i tij prej vitesh Blendi Fevziu ka pezulluar intervistën e parashikuar për mbrëmjen e sotme, me deputetin Ben Blushi.
Ky i fundit ka reaguar përmes një statusi në rrjetet sociale, ku sqaron se bëhet fjalë jo për një debat mes tyre, por se kështu ia kërkon puna Fevziut.
Themeluesi i LIBRA-s Ben Blushi bën me dije se miku i tij i vjetër i fakultetit, e ka shtyrë intervistën e parashikuar, për shkak të grabitjes që ndodhi mesditën e sotme në Rinas.
Blushi shkruan se e mirëkupton Fevziun që i shtyu intervistën duke qenë se sipas tij vjedhjet janë kthyer në një serial.
“Miku im Blendi Fevziu më kërkoi ta shtynim intervistën e parashikuar sot në darkë, për shkak të vjedhjes së makinave të bankës. Natyrisht e mirëkuptoj. Vjedhjet e bankave janë kthyer në serial.”, shkruan Blushi. Ndër të tjera, Blushi thotë se paratë po vidhen me ndihmën e shtetit, i cili i ka lënë bankat pa mbrojtje.
Dy miqtë e vjetër që u njohën në bankat e Universitetit të Tiranës kur studionin për letërsi, vazhdojnë të jenë po aq miq si dikur, pavarësisht se pas përfundimit të studimimeve ndoqën dy rrugë të ndryshme. Blendi Fevziu ndoqi gazetarinë, ndërsa Ben Blushi iu fut politikës.
Postimi i plotë i Blushit:
“KUSH I MBRON BANKAT?
Miku im Blendi Fevziu më kërkoi ta shtynim intervistën e parashikuar sot në darkë, për shkak të vjedhjes së makinave të bankës. Natyrisht e mirëkuptoj. Vjedhjet e bankave janë kthyer në serial. Shteti shikon dhe bashkëpunon,grabitësit ikin dhe e shikojnë policinë në televizor. Ja pse ska vende pune, besim dhe investime të huaja. Se nuk ka kush i mbron! Një javë më parë thashë në Kuvend se Republika po bie. Sot kam edhe prova.Thasët e Republikës sonë po vidhen me ndihmën e shtetit!” (D.D/Shuplaka)
Discussion about this post